Olih: DG Kumarsana
Ngenjek bias sid sisin pasihe
pesranting keneh, grimutan
kelem bayune nguluh pasih
sid ledok sunar
sid matanaine ngreres tresnan, ngeresep smara
lawatne clapat-clapat sang kala galang ’anu’ malancaran
mlaibin lawatne masunaran mawarna selem denges
ka duur jagate
keles nambung inget-lenga tekening keneh: angin nyirsir
ujan sekabesik
nguluh natah
nebek natah
sekabesik melusang bedak kekolongan
apa tuna ngulihang yeh nguluh warnan langite, galang
ngalihin tanggun pelangine, kal kedeng
dadi songket lantang
ombak magulungan, gedeburan galak pesan
jani ba gumi mamung kadirasa sing telah kaboros
maboros matanai ngelekang keneh tuna
matan gumine bunder: sangglir!
nyalig
Lantas nyen ento ngeca matanaine sid tengahin beeng apine
nguluh beeng matanaine lan majubah putih mlaibang aine tepet
masaput poleng ngengkebin gumine kanti sing masisa?
sang Anoman ane masuriak nyaksiang gumine sengkalen
apa sang bhatara Ciwa ring swargania sang sunia ?
0 komentar:
Posting Komentar